Chapter 3 :: Sequence Diagram

Sequence Diagram ဟာ UML မှာ အရေးပါသလို Project တွေ ဖန်တီးရာမှာလည်း အရေးပါပါတယ်။ Sequence Diagram ဟာ system တစ်ခု မှာ ဖြစ်သွားသည့် အဆင့်ဆင့် ကို ရေးဆွဲဖော်ပြထားခြင်း ဖြစ်ပါတယ်။ System မှာ ဘယ် အဆင့်တွေ အလုပ်လုပ်သွားတယ်။ ဘယ် အဆင့်ပြီးရင် ဘယ်ကို ခေါ်သလဲ ဆိုတာကို sequence diagram မှာ မြင်နိုင်ပါတယ်။ သူက behavioral diagram တစ်ခု ဖြစ်ပါတယ်။

Sequence Diagram 

Sequence Diagram ပုံကြမ်း တစ်ခုကို ကြည့်လိုက်ပါ။ ပုံကို ကြည့်လိုက်တာ နဲ့ sequence diagram ဆိုတာ ဘာလဲ ဆိုတာ သဘောပေါက်သွားမှာပါ။

Actor

Sequence Diagram မှာ Use Case လိုပဲ လုပ်ဆောင်သည့်သူ Actor ပါဝင်ပါတယ်။ External Subject တွေကို လည်း actor အနေနဲ့ သတ်မှတ်လို့ရပါတယ်။

Lifeline

Lifeline က interaction တစ်ခုကို ဖော်ပြထားတာပါ။ ဘာ လုပ်မယ်။ အချိန် ဘယ်လောက်ကြာမယ်။ ဘယ် အချိန်မှာ ရပ်သွားမယ်။ စတာတွေကို Lifeline မှာ ဖော်ပြထားပါတယ်။

Activations

**
**

Activations ကတော့ Lifeline မှာ ဆွဲထားသည့် လေးထောင့် အတုံးလေး ဖြစ်ပြီး operation ရဲ့ အချိန် ကို ဖော်ပြထားတာပါ။

Call Message

Activations တစ်ခု နဲ့ တစ်ခု ကြားက interaction ကို ဖော်ပြသည့် ဖော်ပြချက်ပါ။ ဘာ လုပ် လိုက်သလဲ ဆိုတာကို ဖော်ပြထားတာ မျိုးပါ။

Return Message

Operation ပြီးသွားလို့ ပြန်လာသည့် return message ပါ။  Function တစ်ခုကနေ return ပြန်လိုက်သလို မျိုး ကို ဖော်ပြပေးပါတယ်။

Self Message

Self Message ဆိုတာကတော့ ကိုယ့် Lifeline ကို ကိုယ် ပြန်ခေါ်သည့် သဘောပါ။

Recursive Message

ကိုယ့် Lifeline မှာ ကိုယ် ပြန်ခေါ်ပြီးတော့ operation process time ရှိနေသည့် သဘောကို ဖော်ပြခြင်သည့် အခါမှာ ရေးဆွဲပါတယ်။

Stopped

Lifeline တစ်ခု ပြီး ဆုံး တာကို ဖော်ပြထားခြင်း ဖြစ်ပါတယ်။

Alternative 

Alternative ကတော့ condition တစ်ခုခု success ဖြစ်ခဲ့ရင် ဘယ် flow ကို သွားမယ်။ fail ဖြစ်ရင် ဘယ်လို flow သွားမယ် ဆိုပြီး ပိုင်းခြားပြီး ရေးဆွဲထားခြင်းဖြစ်ပါတယ်။

Loop

Loop လည်း အတူတူပါပဲ။ Condition တစ်ခု အထိ သွားမယ် ဆိုပြီး ထည့်သွင်းရေးဆွဲခြင်းပါ။

ဘာကြောင့် သုံးသင့်လဲ

Sequence Diagram က system design တစ်ခုကို ရှင်းပြသည့် အခါမှာ မဖြစ်မနေ အသုံးဝင်ပါတယ်။ ဥပမာ payment gateway system တစ်ခု ဆိုပါဆို့။ User က ဘယ်လို payment လုပ်သွားတယ်။ ဘယ်အဆင့်တွေကို ခေါ်ပြီး server ကို data တွေ ဘယ်အချိန်မှာ ပြန်ရောက်လာမယ် ဆိုတာကို စာတွေ့ ရှင်းပြနေခြင်းထက် sequence diagram ရေးဆွဲပြီး ရှင်းပြသည့် အခါမှာ နားလည် လွယ်ပါလိမ့်မယ်။

Sequence Diagram က မခက်ခဲ သလို system အစိတ်အပိုင်း ခြင်း တစ်ခု ဆီကို အဆင့်တိုင်း အဆင့် တိုင်း  ဖော်ပြပေးနိုင်ပါတယ်။