Chapter 1 :: UML ဆိုတာ

UML

UML ဆိုတာက Unified Modeling Language ရဲ့ အတိုကောက်ဖြစ်ပြီး general purpose, developmental modeling language တစ်ခုပါ။​တနည်းပြောရင် software engineering အတွက် design system ကို မြင်အောင် ဖော်ပြရေးဆွဲ သည့် language တစ်ခုပါ။ UML ဟာ လက်ရှိ version 2.5 အထိ ရှိသွားပြီ ဖြစ်ပါတယ်။ 

UML ကို Grady Booch, Ivar Jacobson, and James Rumbaugh တို့ သုံးယောက်ဟာ 1995 မှာ Rational Software တစ်ခုကို ဖန်တီးရင်း နဲ့ လုပ်ထားခဲ့တာပါ။ နောက်ပိုင်း 1997 မှာ Object Management Group ဟာ UML ကို standard အနေနဲ့ အသုံးပြုလာပါတယ်။ Object Management Group မှာ HP, IBM, Apple စသည့် company ကြီးတွေ ပါဝင်ပါတယ်။

Diagram

UML ကို Diagram တွေ နဲ့ ရေးဆွဲပြီး UML မှာ ပါရှိသည့် diagram တွေကတော့ အောက်ပါ အတိုင်း ဖြစ်ပါတယ်။

ဒီစာအုပ်ထဲမှာတော့ အကုန်လုံး ဖော်ပြပေးနိုင်မှာ မဟုတ်ပါဘူး။ Software Development ပြုလုပ်သည့် အခါ လူသုံးများသည့်

• Use Case Diagram
• Sequence Diagram
• Class Diagram

စသည့် ၃ မျိုးကို ဖော်ပြပေးမှာပါ။

Structure Diagrams

Structure diagrams ဟာ system မှာ ပါဝင်သည့် ပုံစံ ကို ဖော်ပြပေးထားတာပါ။ System တစ်ခုကို မတည်ဆောက်ခင် structure diagrams တစ်ခုခု ကို သုံးပြီး ဖန်တီးပါတယ်။ Software architecture document ပြုလုပ်ပေးသည့် အခါမှာ ထည့်သွင်း ဖော်ပြကြပါတယ်။  Class Diagram ဟာ structure diagram တစ်ခု ဖြစ်ပါတယ်။

Behavior Diagrams

Beahaivor diagrams ကတော့ dynamic ဖြစ်ပါတယ်။​ System မှာ ဘာတွေ ဖြစ်နေလဲ။ System မှာ ဘယ်လို function တွေ ပါပြီး ဘယ်သူတွေ က လုပ်ဆောင်နေလဲ ဆိုတာကို ဖော်ပြပေးပါတယ်။ Use Case Diagram ဟာ beahivor diagrams အမျိုးအစား တစ်ခုပါ။

Interaction Diagram

Interaction diagrams ဟာ system flow ကို ဖော်ပြပေးတာပါ။ ​Models တစ်ခု နဲ့ တစ်ခု ဘယ်လို အလုပ်နေတယ်။ Sequence Diagram ဟာ interaction diagram တစ်ခု ဖြစ်ပြီး system တစ်ခု လုံး ဘယ်လို အလုပ်လုပ်တယ် ဆိုတာကို အဆင့်ဆင့် ဖော်ပြပေးထားပါတယ်။